خواطر مجمعة

من طرف رامي 2008 السبت ديسمبر 22, 2007 10:54 am

ஐ˚◦๑ ~! ماني بناسيكـ !~ ๑◦˚ஐ˚◦
يا عـ..ــ..ــمري
والله ماني بناسيكَـ
لو الجفا يمشي معكَـ
مثل ظلكَـ
أغلــيكَـ من بد المخاليق
وأفديــكَـ ،، ولو تطلب عيوني تجيكَـ
بمحلكَـ ....
درب المحبه ترسمه بيض أياديكَـ
وأعلى من نجوم الثريا محلكَـ

◦˚ஐ˚◦๑ ~! غيابكـ !~ ๑◦˚ஐ˚◦
اكذب عليكـ إن قلت غيابكـ شي عادي !
اضحكـ وأنا من جور الأيام مجروح ،،
جرح توسط في حنايا فؤادي ..
ليت الجروح ضيوف يومين وتروم ،،
بعثر ورقنا هالزمان الرمادي ..
واصعب شي على الإنسان ،،
هي " غيــ،،ــبة الــروح "

◦˚ஐ˚◦๑ ~! وش أخبــارك !~ ๑◦˚ஐ˚◦
" وش أخبارك " يا نسيم الورد لا هب
الهبوب !!
يا شعاع الشمس من بعد المطر ،،
يا دوا همي وغمي والكروب ..
يا صديق الدهر يا ضوء القمر ،،
يا حنين الشوق يا نبض القلوب ..
يا حبيب الناس يا تاج البشر ،،

◦˚ஐ˚◦๑ ~! هــلا !~ ๑◦˚ஐ˚◦
بقلبك .. وبغلاك .. وعيونك ..
وأحلى النسايم يوم هبت طواريك ..
جعل الرسايل كلها يفتدونك !!
واللي كتبها يا غلا القلب يفديك ..
هلا مع التحايا يجونك ،،
من خاطري وياليت شوقي يكفيك ..

◦˚ஐ˚◦๑ ~! الشوق ،، الموت !~ ๑◦˚ஐ˚◦
لو كان الشوق ألم ،،
كنت بصبر واتحمله !!
لكن شوقي لك موت والموت
ماقدر امنعه ،، !!

◦˚ஐ˚◦๑ ~! تقصير !~ ๑◦˚ஐ˚◦
إذا قصرت في وصلك طلبتك
بس تسامحني ،،
تراك عزيز وعشرتك ماشي
يساويها ..
وإذا ما وفيت بوصفك طلبتك
بعد تعذرني ،،
تراك عظيم الوصف ووصوفك
صعب أوفيها ..
◦˚ஐ˚◦๑ ~! مثلك قليل !~ ๑◦˚ஐ˚◦
مثلك قليل ونادر لا عدمناك ،،
معذور أنا لو ماتخير بدالك ..
بك فرق مثل الشمس عن كل الأفلاك ،،
يا حظ منهو لا تضايق عنالك ..
ما تجتمع بانسان واحد مزاياك ،،
يا جامع كل المعالي لحالك ..
◦˚ஐ˚◦๑ ~! فرقا الرفيق !~ ๑◦˚ஐ˚◦

فرقا الرفيق اللي يبادلنـي الأشواق
أحــس بإحـســـاسـه وأردد حنـينــه
أشتاق لـه دايـم وهـو دوم يشــتاق
وحالت ظـروف الوقـت بينـي وبـيـنـه
وأمسيت دمعي فوق الأوجان دفاق
أشـيــل هــم مــاتــشـيـله مديـنــه
تسأليني منهو أنتي في حياتي مادريتي..؟
أنتي فرحة عمري الي مت أنا أدور عليها..
أنتي الي من بديتي في حياتي ما انتهيتي..
نعمة جتني من الله ياعسى الله يمد فيها..
وأنتي أحلى من سكن هالقلب وأول من وفيتي..!
وأنتي أغلى من تجيني في ساعة الشدهـ وأجيها..!
كان حبك تاج عالي فوق راسي أرفعه..!
وكنت أفخر في غرامك ياحبيبي وأهتويك..
كل أيامي عطيتك وأنت تلبس أقــنعه..!
وش اسوي بقلبي أعمى يوم حطيته بيــديك..
وهذا عهــدي ياحبيبي قلبي لك ما أرجعه..!
لو يدووور الوقت لاحشا ما ارتجـــيك..!
أغلى ليالي العمر..
وأغلى سنيني..
عمر معك ياروح روحي
"قضـــيته"
ودي اني بين البشر خالي مشاعر..
لاحب لاهم والقلب مرتاح..
وأكون بالدنيا مثل انسان عابر..
وابتعد عنك واقول هم وانزاح..
ودي ولكن عنك ماني بصابر..
عمري بدونك غايبه عنه الافراح
أصبـر دمعي بكذبه يادمعي باكر وباكر..
يجيني من ترك فيني غلاه وصدقه الكاذب
ويقبل باكر وكنه هذاك الزاير العابر..
ويقفي تارك بعده سخاه وجوده الشاحب..
وأعود أكرر الكذبه وأقول ان الفرح باكر..!!
وأسوي نفسي الصادق ..
وصدقي فالأصل كااااذب !!!

ليتك تحس هالقلب وش قد يغليك
وليتك تحس بعبرات مخنوقه من صدك..
اجلس مع العالم وكلي سارح فيك
وانت مستريح البال محد قدك
وانت لو تطلب عيوني والله تجيك
بس لاتخليني معلق في سما صدك..
مهما ظروفي عن طريقك خذتني ..
تبــقى معـــي في داخل القلب ذكراااك..
ومهما همووومي بالحــياة أجهــدتني..
أنسى نــكدها لاتقابلت ويااااااك ..
لك صــورة في خافقــي لازمتني..
لو طالت الايااااام لا يـــمكن أجفاااااااك؟؟

يا بسمة الشوق يا رمز الغلا السامي
يا أروع إحساس صادفني وحسيتـــه
جاني خيالك يسوق الحب قدامـــــي
واقبل بطيفك وعانقني وضميتـــــــه
انتي حياتي وروحي وأجمل أيامــي
وأغلى بشر بين كل الناس عزيتــــه
وانتي هناي وهواي ومنتهى أحلامي
وأحلا وألطف وارق إنسان حبيتــــه

انته وأنا روحين في داخل إنســــــان
كل الوفا اللي بها المدى من وفانـــــا
انته وأنا دنيا المحبة والألـــــــــــوان
والحب نعمه من كريم عطانـــــــــــا
نزرع صحارينا ورود وريحـــــــان
ونعطر أنفاس الهوى من شذانــــــــا
نسقي العمر من وادي الحب وديــان
ونعلم طيور المحبه غنانــــــــــــــــا
ونحيا بها العالم نبض داخل إنســـان
انته وأنا وثالث هوانا هوانــــــــــــا

حبك سرى في الروح والدم مخلوط
أحس به بين الشرايين يجــــــــــري
أنا جسم وانته بها الروح محطـــوط
وانته أحاسيسي وعقلي وفكــــــري
خلني أعيش العمر وياك مبســــوط
واهنا بشوفك يا هنا كل عمـــــــري

أعترف لك أحبـك
وينتظر قلبي كلمه
من عيونك وقلبـك
كلمه لو بس كلمه
أنتظرها يا غالــي
لو تطول الليالــي
أنتظرها وخيالـي
سابق فيك حلمــه

يقولون الهوى نظره يقولون الهوى أحلام
يقولون الهوى همسه تذوب خافق فيهـــــا
يقولون الهوى دنيا تضمنها الغلا بهيـــــام
يقولون العشق سلطه ولا تقدر تقاويهـــــا
ولكني أشوف اليوم خداع وبعثره وأوهـام
مثل غشوه على قلبك على عينك تغشيهـــا
مثل كذبه تصدقها معاها دارت الأيـــــــام
مثل فكره على بالك بها نفسك تمنيهـــــــا
لا تحسب إني عقبكم في ندامـــــه
ماني على حب المقفين ندمــــــان
من باعنا بالرخص نرخص مقامه
نشطب عليه ونتركه دون عـنوان
ودعت حبك يالغلا بالسلامــــــــه
مالي بحبك دامك إنسان خـــــوان

لولاأحس بداخل الصدر دقات
ماكنت اصدق ان قلبي محله
استغفرالله
شلون ذا القلب ما مات
وشلون ينبض بعد ماراح خله
اخر مصيبه زادة الطين بلات
فرقا الحبيب الي له القلب كله
قصة حياتي اصبحت شبه مأساة
قصه حزينه والنهايه ممله
معاك عرفت الحزن ومن سمك ارتويـت
وخليتني امشـي فـي طريق الهـلاك
ووعـد منـي مـا انـساك ابـد مـا حيـيـت
وما انسى كم ذقت المر لاجل اكسب رضاك
لـكـن حـساااافـه مـن حـياتـي انتهيـت
وصرت لي ذكرى تفـضل خـذهـا معاك
بعض المواقف تجي وتروح ماتبقى...
وبعض المواقف صداها بالعمر باقي.
..ياصاحبي لامعي تتعب ولاتشقى...
يتبدل الوقت واخلاقي هي اخلاقي..
.إن جيت"أرحب"واذاما جيتني"تبقى...
انت اكثر انسان عزيته من اعماقي

لحظات ودي اجيك ابكي على صدرك
ولحظات اخفي همومي واكتم احزاني
ولحظات منته معاي واخاف من صدك
ولحظات تملك احساسي ووجداني
ولحظات احب السوالف دامها منك
ولحظات كل الحكي مايطرب اسماعي

تسالني ليه انا دايم حزين
تسالني عن سبب هذا العذاب
قصتي قصه طويله من زمان
قصتي عمر الطفوله والشباب
البدايه جرح في قلبي دفين
والنهايه مالها عندي جواب

من عيوني ماطلبــت إلا القليـــل
حـاضـر وممنـــون عنـك بأبـتــعــد
بأنسحـب بصمــت مابتـــرك دليــل
وأوعــدك بنســاك وانسـى للأبــد
لاتظــن البعـــد عنــك مستحيـــل !
لا ورب الكــون واتـحـــدى بعـــد

مدري علامي صرت
ضايق ومليت ..
قعدت افكر في زمان
مضى لي ..
وسال دمعي فوق خدي
وصديت..
صدت حزين غربلته
الليالي..
لا شك ماراح انساك مهما
تناسيت ..
ورقمك بدقه كل" ما ضاق بـــالـــي"..
والله مااشرقت شمس ولاغربت
إلا وذكرك مقرون بانفاسي ..
ولاشربت لذيذ الماء من ظمأ
إلا ولقيت خيال منك في كاسي ..
ولاجلست الى ربعي احدّثهــــم
الا وكنت حديثي بين جلاســي

لاتغيب من حياتي غيبتك تعني وفاتي
أو يمكن أكثر
في غيابك لودقايق كل شي فيني تأثر
صرت أشوفك في عيون الناس وأكثر
صرت أحبك كثر هالخلق وأكثر
أوعدني لاتغيب عني أكثر
من يقــول أنســاك في يــوم و تهــــون ..
من يقــول أنســاك يا عمـــري كـــــذب..
في حيــاتــي غير حبــك ما يكــون ..
مسكنــك ما بين جفنــي و الهــــدب ..
لو يطــول البعــد قلبـــي ما يخــــون ..
انتظـــر لقيـــاك وأشواقــــي لهـــــب..
وش تسمي شخص ..
لا طروله الحب قال:-
إنت
لا طروله الشوق قال:-
إنت
لا طروله الغلا قال:-
إنت
لا طروله الحلا قال:-
إنت
ولا طروله إنت قال:-
فداك العمر وين ماكنت

مدري القصـــــــايــد
فيك وش ممكن تــكــــــــــون؟
لا صرت صفحه مالها
بالغلا طي,
ماأبيك تسأل كيف أنا أحبك
وشلــــون؟
الحـــب كلــــه فيك أنا أشوفه«شــــــوي»
يكفي أشوفك كل شي بهالكون
واشوف كل الكون دونك ولا شي!

وش فيك ضايق ياقلبي
وليه نظراتك حزينه
من زعلك بس قلي
ووريك أنا دمع عينه
وش أسمه من يكون
اللي يزعل هالعيون
والله مخليه يرتاح
لين أوصله للجنون
لذوقه مر العذاب
وخلي دروبه سراب
وراه لو موتي وراه
لو جاب الزمن ماجاب
وعلمه كيف القسا
وذكره كانه نسا
وشلون فكر بس كيف
يزعلك ياعطر المسى
يارسايـــل خبريه:
"مستحيل انسى غلاه"
واضحكيله ودلليله..
"وسولفي دايم معاه"
حيل اعزه علميه..
"طار قلبي في سماه"
كل شووقي سلميه..
"واسهري صبحه
ومساه"
هو (عيوني) دلعيه..
"اللي قلبي مانساه"

وش هالكون بعدك
علمني وش يكون؟؟
وش هي الدنيا بدونك غير صمت وسكون!
الصبح شاحب!
والليل تملاه الظنون!
والزوايا موحشه!(فاقده قلب حنون)
عادي كل هالناس عندي يروحون او يجون . .
الا انت غير كل هالناس
" روحتك ماتهون "
يا كثـر حبي لك وياكثـر مغليــك ..
و يا كثــر مالك في ضميــري معــزّه ..
انسـى
حيـاتـي بس مـانـي بناسيـــك
حبـك بوسط القلـب محد(ن) يهــزه
امــوت و احيــا كل ما حــل طاريــك
واااااهنـــي قلبــي دام قلبــك يعــزّه
قلـب ملكتــه يا هــوى البــال يفديــك
خــذه و حطـــه وســط جوفــك و عـــزه
أقسم يمين إني على طول مهموم
ماشفت في غيبتك شئ يسلي
أجامل الجلاس والسر مكتوم
أرجي عسى أيام المفارق تولي
في خاطري لك شوق وأخبار وعلوم
لكن محلك نازح عن محلي
صوتك يعانق مسمعي دايم الدوم
وطيفك قبالي دايم مثل ظلي
من غبت عني وخاطري دوم مكسور
في غربتي أحياك ذكرى وتذكار
أحيان أقول إنك على حق معذور
وأحيان أحس إن الجفا ماله أعذار
وكانك تحسب الجفا ذنب مغفور
غلطان ماتعرف للأشواق مقدار

من طرف الطائر الجريح الخميس يناير 03, 2008 8:40 am

الله الله الله خواطر جميلة

من طرف <<zidane >> الأربعاء يناير 16, 2008 3:20 am

صح لسانك ومقصرة اخوي ويعطيك ألف االعافيه

خواطر مجمعة

خواطر مجمعة

رد: خواطر مجمعة

رد: خواطر مجمعة